klappliðið á fullu.

Það er svolítið skondið að lesa fréttir af landsfundi sjálfstæðismanna. Fyrst voru sagðar sögur af ræðu Davíðs þar sem hann m.a. setti út á störf endurreisnarnefndarinnar og Vilhjálm Egilsson

 Vel var klappað í salnum  að ræðu hans lokinni. (Þó að ég hafi fengið aumingjahroll af því að lesa þetta.Vont að vita af svona mörgum meðvirkum einstaklingum samankomnum)

Svo kom Vilhjálmur og vældi svolítið afþví Davíð var vondur við hann.

Þá kom Geir Haarde með ræðu þar sem hann sagði Davíð hafa vegið ómaklega að Villa.  Og viti menn enn er vel tekið undir í salnum og ákaft lófatak kveður við.  

Klappa sjálfstæðismenn fyrir hvaða dellu sem forsvarsmenn (og fyrrum forsvarsmenn) flokksins bera á borð fyrir þá? Afhverju klappa þeir fyrir svona andhverfum málflutningi?Er þetta bara kurteisi eða er þetta sagan um að síðasti ræðumaður sé sá sem hefur rétt fyrir sér?

Ég vona reyndar að þetta verði síðasta skiptið sem Davíð lætur eitthvað fara frá sér opinberlega. Hann skýtur sig orðið í fótinn í hvert einasta sinn sem hann opnar munninn. Hann var slæmur með þetta þegar hans varð fyrst vart í stjónmálum en þessi tilhneiging hans versnar núna í hvert sinn sem hann segir eitthvað. 

Fyrir þá sem enn eru harðir aðdáendur Davíðs.  Auðvitað er ykkur frjálst að dá hann. Ég skil reyndar alls ekki afhverju. En það er allt í lagi. Mér er líka frjálst að þola ekki manninn. Mín skoðun hefur alltaf verið sú að menn láta hann komast upp með að vera leikstjórnanda í lélegu leikriti þar sem illvirknin er við völd. 

 

Geir: Ómaklegt hjá Davíð

Athugasemdir

[Þorsteinn H. Gunnarsson, 1.4.2009 kl. 21:23]

Já ég hef líka velt því fyrir mér af hverju landsfundarfulltrúar hafi klappað svona mikið fyrir ræðu Davíðs, því hann hafði hvernig sem á málið er litið upp svigurmæli um málefnastarf í eigin flokki og menn utan landsfundar. Hann hafði að sjálfsögðu fullan rétt á að tjá sig um slíkt og var Geir til andsvara.

Mér kom þetta fyrir sjónir sem taugaveiklunar hlátur  eða einhverskonar æsingur eða bardaga kliður fólks sem er að fara í orrustu og er að herða sig upp. Svo getur verið að þetta sé einhver hefð í Sjálfstæðisflokknum ég veit það ekki. Gaman væri að þetta væri rannsakað af einhverjum í félagsvísindum.

Gamalt máltæki segir; Ekki eru allir viðhlæjendur vinir, hvort það á við hér er ekki gott um að segja?