Ný notkun á eldra orði......

Ég var eiginlega búin að blogga það sem ég ætlaði mér í dag. En svo lenti ég í svo skemmtilegum umræðum vð kaffiborðið í vinnunni.  Ég vinn með svo gríðarlega skemmtilegu fólki.

Umræðan snerist um kvenleg málefni eða um tíðir og tíðarverki og annað tengt hormónum okkar.  Karlarnir satu í sínu horni og voru að reyna að leysa Icesave deiluna rétt eina ferðina enn.  Við ræddum meðal annars hversu misjafnt þetta leggst nú á okkur kvenfólkið og eins gott að þetta legðist ekki á karlana þar sem þeir væru þá ábyggilega ekki hæfir til þess að bera þessa raun.  

Mér datt í hug að segja þeim frá hugmyndum Echart Tolle um sársaukalíkamann og hvernig hann vildi m.a. meina að við gætum valið að dvelja í sársaukanum.  Hann var einhvern tímann beðinn um að útskýra hvernig stæði þá á þeim verkjum og vanlíðan sem hrjá margar konur bæði með blæðingum og svo í tíðarhvörfum.   

Tolle átti að sjálfsögðu svör við þessu og talaði um að þarna kæmi líka inn s.k. menningarlegur sársaukalíkami.  Að þessi óþægindi kvenna byggðu m.a. á þessum menningarlega grunni. 

Nú er ég að fara mjög grunnt í Tolle og ekki gera honum nægilega góð skil enda var þessu bara svona slegið fram í umræðunni. 

Ekki stóð á viðbrögðum hjá hópnum.  Umræðurnar flugu af stað.

Sumar vildu reyna að útskýra þetta m.a með því að meðan við töldumst enn vera frumstæð var kona talin óhrein á meðan hún hafði á klæðum (svo gríðarlega pent orð). 

Ein sagði frá því að einhvers staðar í Nepal eða þar nálægt væri því þannig háttað að konur færu burt úr aðalþorpinu yfir í annað minna þar sem þær dveldu á meðan og skildu börn og bú eftir hjá körlunum á meðan. Mörgum fannst ástæða til að skoða þennan sið betur.  

Mikið skemmtum við okkur yfir þessari umræðu.

Og best af öllu var þegar við fórum á flug í nýyrðasmíðinni.  

Nú hringjum við ekki inn til að tilkynna forföll vegna blæðinga. 

Nú hringjum við inn til að tilkynna að við séum í menningarsjokkiLoL


« Síðasta færsla | Næsta færsla »

Athugasemdir

1 Smámynd: Hallgrímur Óli Helgason

Takk fyrir frænka, skemmtilegar umræður sem farið hafa þarna fram.

Hallgrímur Óli Helgason, 29.1.2010 kl. 20:22

2 identicon

BARA gott blogg Dagrún...já og eins gott að karlmenn þurfi ekki að bera marga verkina sem við konur þurfum að bera..því að þá myndi karlkynið deyja út

Anna Soffía (IP-tala skráð) 29.1.2010 kl. 21:04

3 Smámynd: Halldóra Lára Ásgeirsdóttir

Sælar!

Skemtileg færsla hjá þér! Dáldið gaman að þessum þjóðflokk í Nepal,að konurnar fari úr þorpinu á meðan stendur þannig á hjá þeim.Veistu, ég held að það hafi verið karl sem fann þessa aðferð út. Til að losna við konuna í nokkra daga.

Með kveðju og þökk

      Halldóra.

Halldóra Lára Ásgeirsdóttir, 30.1.2010 kl. 16:35

4 Smámynd: Sigrún Óskars

innlitskvitt

skemmtileg umræða 

Sigrún Óskars, 30.1.2010 kl. 16:44

5 Smámynd: Dagrún Steinunn Ólafsdóttir

Hvað segirðu Hallgrímur er ég frænka þín??

Og takk fyrir hrós um skrif mín  

Umræðan er oft fjörug á kaffistofunni og skemmtilegast þegar við náum henni úr Ices(l)ave- umræðunni.   

Dagrún Steinunn Ólafsdóttir, 30.1.2010 kl. 17:45

6 Smámynd: Hallgrímur Óli Helgason

Já Dagrún ég er á kafi í ættfræði og kalla víst alla frænka og frændi sem skyld eru mér út frá langöfum og langömmum, en langafi minn Indriði Kristjánsson var bróðir langalangafa þíns Friðfinns Kristjánssonar, ef þú hefur áhuga á ættum okkar getur þú séð niðjatöl mín á síðunni minni, þar er meðal annars niðjatal Kristjáns Hallssonar föður þeirra Indriða og Friðfinns, ég er frá Húsabakka í Aðaldal, flutti til Bolungarvíkur 1980 og hef búið hér síðan.

kveðja Halli

Hallgrímur Óli Helgason, 31.1.2010 kl. 11:41

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Dagrún Steinunn Ólafsdóttir

Höfundur

Dagrún Steinunn Ólafsdóttir
Dagrún Steinunn Ólafsdóttir
Er heppin kona með góða lífsreynslu sem gerir mig vonandi stöðugt að betri og betri manneskju. Er framhaldsskóla kennari og kenni stærðfræði. Hef ákveðnar skoðanir á (næstum) öllu og þörfin til að tjá þær hvetur mig til skrifta hér á þessu bloggi :)
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Nýjustu myndir

  • ...p6130376
  • lítið líf

Heimsóknir

Flettingar

  • Í dag (28.3.): 1
  • Sl. sólarhring: 1
  • Sl. viku: 3
  • Frá upphafi: 766

Annað

  • Innlit í dag: 1
  • Innlit sl. viku: 2
  • Gestir í dag: 1
  • IP-tölur í dag: 1

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband